Mazika-All-DaY

Mazika-All-DaY


 
الرئيسيةبحـثالتسجيلدخول

شاطر | 
 

 عفريت اعتزل العفرته :D lol :D

اذهب الى الأسفل 
كاتب الموضوعرسالة
3ly maher
عضو جديد
عضو جديد
avatar

ذكر
العقرب
عدد المساهمات : 30
تاريخ التسجيل : 31/03/2011
العمر : 23
الموقع : loveforlive.weebly.com
العمل/الترفيه : طالب بدرجه رئيس وزراء

خدمات المنتدى
مشاركة الموضوع : name="fb_share" type="button_count" href="https://www.facebook.com/sharer.php">مشاركة src="http://static.ak.fbcdn.net/connect.php/js/FB.Share" type="text/javascript">

مُساهمةموضوع: عفريت اعتزل العفرته :D lol :D   السبت أبريل 16, 2011 5:41 am


عفريت اعتزل العفرته





العفريت : نياهاهاهااااااا شوبيكى لوبيكى خدامك بين ايديكى

سومه: بسم الله الرحمن الرحيم لا حول ولا قوه الا بالله ...

صلى ع النبى كدا يا خويا حد قالك عاوزه انا خدامين...

بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه...

...اتطلبى وانا انفذ يا ستى ...وانجزى بقى خلصينى



سومه: ياحلاوه يا ولاد دا عامل زى عفروتو بتاع المرسحيه قصير واقرع ....


العفريت:احنا حنقبح بقى ولا ايه ليه طوله اللسان دى اللهم طولك يا روح


سومه:هع هع هععع يطولها ؟؟؟

اذا كنت انت نموك وقف على الحجم دا دا انت ولا خاتم سليمان يحوق معاك

....
بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر



العفريت:يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده


سومه:الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين...
وعمال خدامك ومش خدامك


العفريت :ماشى يا ستى انا اسف ...مش حتكلم حسيبك لضميرك الاسود

ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب


سومه:اهى ى ى لا هو انتوا عندكم ولاد

العفريت :امال يعنى بننقرض

سومه:وانت من اى قبيله اتيت....بس عرفتك تكونش بتاع كارتون السنافر

....
شاطره يا سومه والنبى طول عمرك نبيهه يا بت


العفريت: دى حتغلط بقى انا من الجن الابيض يا ستى خلصى


سومه:اشتاتا اشتاتا اشتوت ....اتفووووو


العفريت:
يا وليه يا مضروبه بتتفى عليا


سومه:لا يا خويا وانا اقدر...بتف فى عبى يمكن تنصرف

العفريت:اطلبى وانا اجيبلك اللى تعوزيه


سومه:شوف بقى انا غير كووووول الستات اللى انت عرفتهم ومطالبى تختلف عن الاخرين


العفريت:وانا تحت امرك

سومه:بس قولى الاول احضرك ازاى..؟؟؟

الحج عفرت :ياستى ما انا مزروع اهو حتحضرينى ليه

سومه:اه صحيح طيب يا سيدى متتنرفزش الزعل مش حلو عشانك


يعنى لو قلتلك عاوزه عربيه انت ممكن تجيبلى

العفريت:طبعا فورا اجيبلك بس قولى نفذ وانا انفذ...عاوزاها نوع ايه


سومه:اهو شوف فهمتنى غلط انا قلتلك انا مش زى الستات العبيطه مش عاوزه عربيه

العفريت:يا خواتى ارحمنى يا رب


سومه:دا ايه يا خويا العفريت المستعجل دا مكانوش قادرين يبعتولى واحد فاضى موراهوش عيال


اسمع رأفه بيك انا عاوزاك تنضف البيت بدالى النهارده وتعمل اكل فى التلاجه يكفى سى بطيخ اد اتناشر شهر

....
وتسيأ السلم بدالى كل اول اسبوع....وياريت تجيبلى عربيه بتنجر احط فيها الخضار....و...........


العفريت:نعمممممممم يا دلعد ى


سومه:هههههه العفريت رطن بالبلدى


العفريت:يعنى انا جاى من زحل ارض ارض عشان تقوليلى اسيأ السلم ....واقطف ملوخيه

سومه:اه والله فكرتنى نسيت حته تقطيف الملوخيه


العفريت :يا وليه ارحمينى تحبى اجيبلك جاجوار...ولا هامر تركبيهم


سومه:ودول ايه دول يا خويا ...
لا الحمد لله طقم السنان بتاعى شغال ميه ميه..الكوبرى تاعبنى شويه بس ماشى

العفريت:طيب تحبى اجيبلك شقه 1000 متر على النيل

سومه:لالالالا ايه العفاريت المؤذيه دى


دوشه ورطوبه... انت عاوز تقطم وسطى مين حينضف المساحه دى كلها...قال ويقولى فى خدمتك..


العفريت:طيب تحبى تسافرى وتلفى العالم

سومه:يا نصيبتى اخرج من بيتى فى غير علم سى بطيخ دا كان يقتلنى

...
ثم انا ميهونش عليا زعله

....
ثم يا خويا الف العالم فيه ايه زياده عن اللى فى بيتى سى بطيخ مكفينى وجايبلى كل حاجة
اه امال ايه.؟؟؟

العفريت:طيب تحبى اخلصك من سى بطيخ نفسه

سومه:يا خويا بعد الشر تف من بقك


ان شاء الله انت وميه زيك

....
هو صحيح عينه زايغه....ولسانه طويل وايده باطشه....وجزمه ديما طايره

....
بس الست مننا ايه منغير بطيخها ....والعيال مين حيشيلهم مين يشيل مشاكلهم....

العفريت :انا زهقت منك... مش ممكن واحده معندهاش ولا طلب....



طيب اسمعى اجيبلك ذهب ياقوت مرجان..الماظ

....

سومه:هههههه شوف العبيط سى بطيخ جايبلى شبكه جوا دبله ومحبس وحتتين غوايش وسلسله ما شاء الله...



عبيط يقولى مرجان ....لا وعايز يضحك عليا بحته ازازه


ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح

..
طيب انا حريحك ...لو حزفت اجابتين انا ممكن اقولك الاجابه الصح عدل


العفريت:هو انا جورج قرداحى ...تحذفى اجابتين جديده دى

سومه:خلاص انا عرفت سياتك تبقى مين


العفريت:الحمد لله وحتطلبى بقى خلاص مش كدا


سومه:اه يا خويا...زيع زيع انا معنديش ايتوها مانع مش انتوا بتوع الكاميره الخفيه





العفريت:يا خوااااااااااااااااااتى انا حعتزل المهنه


انا شوفت كتير وقليل لكن غبيه وبارده ومبتفهمش ثلاثه فى واحد انتى حطمتى القواعد

سومه:طبعا يا خويا نحن نختلف عن الاخرين ونزيد
الرجوع الى أعلى الصفحة اذهب الى الأسفل
http://loveforlive.weebly.com
3ly maher
عضو جديد
عضو جديد
avatar

ذكر
العقرب
عدد المساهمات : 30
تاريخ التسجيل : 31/03/2011
العمر : 23
الموقع : loveforlive.weebly.com
العمل/الترفيه : طالب بدرجه رئيس وزراء

خدمات المنتدى
مشاركة الموضوع : name="fb_share" type="button_count" href="https://www.facebook.com/sharer.php">مشاركة src="http://static.ak.fbcdn.net/connect.php/js/FB.Share" type="text/javascript">

مُساهمةموضوع: رد: عفريت اعتزل العفرته :D lol :D   السبت أبريل 16, 2011 5:42 am

مش مصرييين
الرجوع الى أعلى الصفحة اذهب الى الأسفل
http://loveforlive.weebly.com
tOtti_n79
المدير العام والمؤسس
المدير العام والمؤسس
avatar

ذكر
الاسد
عدد المساهمات : 505
تاريخ التسجيل : 29/03/2011
العمر : 23
الموقع : http://mazika-all-day.yoo7.com

مُساهمةموضوع: رد: عفريت اعتزل العفرته :D lol :D   السبت أبريل 16, 2011 5:50 am

جاااااااااااااااااااامدة جداااااااااااااااااااااااااااااااااااااااااااااااااااااااااااا
ههههههههههههههههههههههههههههههههههههههههههههه




 

 

الرجوع الى أعلى الصفحة اذهب الى الأسفل
http://mazika-all-day.yoo7.com
3ly maher
عضو جديد
عضو جديد
avatar

ذكر
العقرب
عدد المساهمات : 30
تاريخ التسجيل : 31/03/2011
العمر : 23
الموقع : loveforlive.weebly.com
العمل/الترفيه : طالب بدرجه رئيس وزراء

خدمات المنتدى
مشاركة الموضوع : name="fb_share" type="button_count" href="https://www.facebook.com/sharer.php">مشاركة src="http://static.ak.fbcdn.net/connect.php/js/FB.Share" type="text/javascript">

مُساهمةموضوع: رد: عفريت اعتزل العفرته :D lol :D   السبت أبريل 16, 2011 5:56 am

tongue tnxs
الرجوع الى أعلى الصفحة اذهب الى الأسفل
http://loveforlive.weebly.com
 
عفريت اعتزل العفرته :D lol :D
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Mazika-All-DaY  :: .. .. (¯`•.ஜ.•( اقسام عامة )•.ஜ.•°¯) .. .. :: خمسة فرفشة-
انتقل الى:  
المواضيع الأخيرة
» حصريا البوم اللى جاى احلى موسيقى فقط
السبت يونيو 14, 2014 2:10 pm من طرف njwnjw

» حلقات ناروتو شيبودن كاملة و محدثة انشاء الله أول بأول
السبت أغسطس 03, 2013 10:22 am من طرف s3ooood

» شرح طريقة التعديل على المجلة
الثلاثاء أبريل 02, 2013 12:06 am من طرف alqursan

» حصريا اغنيه نجوي كرم - ويين Cd Q 192Kpbs من الالبوم القادم
الأربعاء ديسمبر 12, 2012 7:14 am من طرف ahmed zalat

» مزيكا 2 داى mazika2day
الجمعة ديسمبر 09, 2011 2:03 pm من طرف tOtti_n79

»  نرحب يالعضو الجديد mohamedalpary
الإثنين نوفمبر 14, 2011 6:27 am من طرف pepos

» كود مجلة مزيكا الل داى الحمراء
الأربعاء أكتوبر 19, 2011 7:44 am من طرف †Šµ£å†

» حصريا على مزيكا اول داى :فيلم انا بضيع يا وديع dvd بمساحة صغيرة برابط واحد
الإثنين أكتوبر 17, 2011 4:57 am من طرف tOtti_n79

» لا حاجه للستات بعد اليوم
الجمعة أكتوبر 14, 2011 9:05 am من طرف 3ly maher

» مش لاقى حاجه اقولها الا ............
الجمعة أكتوبر 14, 2011 8:41 am من طرف 3ly maher

الازرار

 

shere
Share